Catro feridos nun accidente en Laxe

Catro persoas resultaron feridas nun accidente de circulación acontecido en torno as 3.00 horas de hoxe en Laxe. Segundo informa 112 Galicia un vehículo que circulaba pola estrada que une Pasarela e Laxe, á altura de Traba, saíuse da vía e os catro ocupantes do turismo resultaron feridos.

O 112 Galicia mobilizou os servizos sanitarios e informou aos axentes de Tráfico, da Policía Local, aos Bombeiros de Carballo, ao GES de Ponteceso e aos membros de Protección Civil da localidade.