Correos lanza unha postal conmemorativa do Ano Xubilar da Virxe da Xunqueira
Correos vén de lanzar unha postal conmemorativa do Ano Xubilar Mariano da Virxe da Xunqueira de Cee, a cal foi presentada este mércores na igrexa parroquial ceense.
A postal inclúe unha fotografía do ceense Víctor Hugo, na que aparece a Virxe da Xunqueira durante unha procesión pola rúa de Arriba, e tamén un poema da escritora local Concha Blanco.
No acto de presentación participaron a alcaldesa de Cee, Margarita Lamela; o párroco Desiré Kouakou; o xerente de Servizos e Produtos de Correos, Xosé Choren, e membros da Asociación Amigos da Xunqueira.
Ademais, o Ano Xubilar Mariano da Virxe da Xunqueira será promocionado a través das pantallas das oficinas de Correos en diversas cidades de España, como Santiago de Compostela, Vigo, Valencia, Asturias, León, Ponferrada, Barcelona, Granada, Zaragoza, Madrid e Sevilla.
Unha campaña que se poderá levar a cabo gracias aos convenios de colaboración asinados pola Asociación Amigos da Xunqueira coa Xunta de Galicia, Deputación da Coruña e o Concello de Cee.