Ferida unha condutora tras un choque frontolateral en Vimianzo
O accidente rexistrouse nunha estrada local, en Xora, na parroquia de Treos
A condutora dun turismo resultou ferida na noite do xoves nunha colisión frontolateral contra outro vehículo cando circulaba pola estrada local de Xora, na parroquia de Treos (Vimianzo). A muller foi trasladada en ambulancia ao hospital de Cee.
Ata o lugar mobilizáronse os bombeiros do parque comarcal de Cee, a Garda Civil de Tráfico e sanitarios do 061.