Rescatan a un veciño de Olveira que botaban en falta dende hai tres días
O home estaba tirado na cociña, consciente e desorientado
Un veciño de Olveira (Dumbría) foi trasladado en ambulancia ao Hospital Virxe da Xunqueira, de Cee, logo de ser localizado na súa vivenda, tirado na cociña, consciente e desorientado.
O 112 Galicia solicitou a intervención dos bombeiros de Cee para abrir a porta logo de recibir a alerta denunciando que había tres días que non sabían nada deste veciño.
Ata o lugar tamén se desprazaron axentes da Garda Civil de Muxía.