A Pobra reforza a reciclaxe cun punto limpo móbil

Recollida de lixo

Suso Souto

2021/07/2018:51H.

O alcalde, Lois Piñeiro, a técnica de Medio Ambente, Beatriz González, e a edil de dito departamento, Genoveva Hermo, xunto ó punto limpo móbil. Foto: C.P.

a pobra. O Concello da Pobra implantou un sistema de reciclaxe complementario ó punto limpo do polígono e ós dous minipuntos limpos urbanos. Trátase dun punto limpo móbil que custou 18.500 € e no que se poderán depositar cartuchos de impresora; aerosois; pilas (convencionais, alcalinas, botón e baterías); teléfonos móbiles; produtos electrónicos tipo RAEE (cargadores de móbiles, auriculares, etc.); CD, DVD e cintas de vídeo; lámpadas de baixo consumo; xoguetes de plástico; e pequenos electrodomésticos. Estará unha semana en cada zona da seguinte ruta: O Maño (Alto de Cabío); A Ribeiriña (na antiga fábrica de fariña); Santo Isidro (xunto ó bar), e Colo de Arca. s. s.