Decomisados en Ribeira 53 quilos de peixe transportados nun carro de supermercado

A Policía Local de Ribeira procedeu á incautación a un veciño dun total de 53 quilos de peixe dos que esta persoa carecía da requirida documentación acerca da súa procedencia.

O individuo levaba o produto nun carriño pola rúa Galicia. Os axentes incautáronse de 26 quilos de pota e 27 quilos de pescadilla tipo carioca. Todo o peixe foi destinado á residencia de maiores de Ribeira.