Incrementan a eficiencia enerxética no IES noiés Campo de San Alberto

Aforro enerxético

Suso Souto

2021/09/1114:15H.

Román Rodríguez, segundo pola dereita, xunto ás novas fiestras de aluminio do centro. F: X.

NOIA. O conselleiro de Cultura, Educación e Universidade, Román Rodríguez, comprobou este sábado no IES Campo de San Alberto de Noia o resultado das obras de rehabilitación integral que están a piques de rematar por importe de máis dun millón de euros e que permitirán un aforro enerxético do 40 % en consumo e emisións. Aplicouse illamento térmico exterior, mudáronse portas e fiestras por unhas novas de aluminio, colocáronse novas luminarias, pintáronse os paramentos interiores e acometéronse traballos de albanelería e reparacións. A actuación enmárcase nun plan de investimentos de máis de 8,3 millóns de euros en obras en centros educativos do Barbanza comprometidas para este ano. Xa están licitadas as rehabilitacións integrais do IES Plurilingüe Fontexería de Muros e do CEIP Flavia de Padrón. s. souto