Urbanizan a avenida Manuel Fraga
A Laracha. O Concello larachés xa ten en marcha as obras do proxecto de urbanización da avenida de Manuel Fraga ata a rúa Maruja Mallo, pola parte posterior do IES Agra de Leborís.
O proxecto está valorado en preto de 245.000 euros e forma parte do plan especial de equipamentos educativos.
Inclúe a pavimentación da calzada, a construción das beirarrúas e a habilitación de espazo de aparcamento, axardinamento, creación das redes de saneamento e abastecemento, canalización soterrada dos servizos da rede eléctrica, telecomunicacións e iluminación pública, ademais da sinalización horizontal e vertical e a creación dun paso de peóns elevado. M. l.