Silleda acolle o peche do programa Monumenta
Silleda. Máis de 400 persoas participaron no programa Monumenta, andar con arte, enmarcado na celebración do Xacobeo 21-22 e co que a Xunta ofreceu este verán rutas a pé combinadas con diversas experiencias. O último dos catorce percorridos desenvolvidos desde o 6 de agosto polas catro provincias e o Bierzo partirá hoxe do Mosteiro de Carboeiro, en Silleda, coa totalidade das prazas cubertas.
O itinerario que pecha hoxe a iniciativa, desde Carboeiro ao Kumano Kodo en Xapón, é unha ruta circular pola senda botánica do mosteiro, coa guía María Abuín, da empresa Máis que Románico, o enxeñeiro forestal e paisaxista Gaspar Fernández, e a performer e artista Masako Hattorl. m. rendueles