Chamamento á prudencia e precisión no uso de mascarillas. Comparecencia do conselleiro
As restricións dos concellos, entre elas o nivel máximo para A Pobra e O Grove, entrarán en vigor mañá xoves
O conselleiro de Sanidade, Julio García Comesaña, detalla a partir do mediodía as medidas acordadas no comité clínico de onte. Os expertos determinaron o establecemento do nivel máximo de restricións para A Pobra do Caramiñal e O Grove. En nivel alto quedarán A Pobra do Brollón, Rábade, O Irixo, Monterrei, A Illa e Carral. Ademais, quedarán no nivel medio de restricións os municipios de Beade, Cortegada, Padrenda, O Carballiño, Boimorto, Sanxenxo, Meis, Cangas, Gondomar, Moaña e Baiona. No resto dos municipios galegos, estarán vixentes as restricións fixadas no nivel medio baixo.