Galicia supera o centenar de pacientes hospitalizados por covid con outros 231 positivos

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.939. Se comparamos o dato co de onte a esta hora, a cifra supón un incremento de 141 enfermos, tras a detección de 231 novos positivos e a alta de 90 pacientes.

Do total de casos activos, 1.304 son da área da Coruña, 29 máis, 482 da de Lugo, 41 máis, 266 da de Ourense, 23 máis, 179 da de Pontevedra, 14 máis, 185 da área de Vigo, 8 máis, 404 da de Santiago, 22 máis, e 119 da de Ferrol, 4 máis.

No tocante aos pacientes positivos, 12 están en UCI, 95 en unidades de hospitalización, 11 máis, e 2.832 no domicilio, 131 máis. Polo de agora, en Galicia hai un total de 12.183 persoas curadas, 97 máis, rexistrándose 635 falecementos, 2 máis.

O número de PCR realizadas é de 317.307.