Máis fins de semana con rúas peonís para Ames

a maía. O Concello de Ames volve a repetir os cortes de tráfico en varias rúas de Bertamiráns e do Milladoiro para favorecer o tránsito das persoas. Así, dende hoxe ás 16.00 horas e ata mañá, ás 23.00 horas, serán peonís en Bertamiráns parte das rúas Ameneiral, Entrerríos, Rueiro, Arrucheiro, Cómaro, Pedregal e a rúa do Sar. E no Milladoiro pasará o mesmo coas travesías Raxoeira e a rúa da Costa (entre Travesía da Moa e rúa Figueiras), Agriños, a Travesía do Porto, a rúa de Pardiñeiros, a rúa Cruxa, Agro da Vella e a rúa Agro do Medio (pasan a ser totalmente peonís a travesía da Madalena, rúa Estivada de Castelao, Camelias, Agro da Madalena e rúa da Viorneira). Tamén se establece unha segunda área na zona norte do Milladoiro (rúa dos Agriños, Travesía do Porto, Pardiñeiros, na rúa Cruxa ata a rúa Agro do Medio, a rúa Agro da Vella, e a rúa Agro do Medio dende a rúa Cruxa ata a de Abaixo). A iniciativa volverá a repetirse a vindeira fin de semana. m.m.