Ribeira terá un renovado portal web con técnicas punteiras sobre xestión

RIBEIRA. Cinco empresas presentaron ofertas ó concurso convocado polo Concello de Ribeira para o deseño, desenvolvemento e implementación dun novo portal web municipal. Búscase mellorar a proximidade e relación coa cidadanía (optimizando a experiencia de usuario coa institución) e, por outra, modernizar o seu estilo e imaxe, empregando así mesmo as técnicas máis punteiras de xestión para facela máis dinámica, viva e intuitiva por 18.000 €. Os servizos que se pretende contratar son: desenvolvemento e posta en marcha dunha plataforma de xestión de portais e contidos para o Concello; reforma de deseño e arquitectura de información das web ribeira.gal e turismo.ribeira.gal; migración dos contidos á nova plataforma; posta en marcha do portal e garantía de soporte durante un ano; aloxamento cloud; e formación. A plataforma incorporará un sistema de noticias na páxina principal, cas funcionalidades necesarias para a elaboración periódica dun boletín electrónico ó que os usuarios poidan subscribirse para recibilo por email. Respecto ó sistema de xestión de contidos, debe estar baseado en arquitectura Opensource actualizada e deberá ser totalmente configurable a base dunha arquitectura modular escalable. s. souto