Boiro dedica máis de 42.000 euros a mellorar servizos e accesos á praia de Mañóns
Xunto cos pavimentos vaise realizar a canalización de pluviais
O Concello de Boiro saca a licitación as obras para a mellora dos servizos e dos accesos á praia de Mañóns. O proxecto de execución da actuación ascende a 42.514,26 euros e vaise levar a cabo mediante o Plan de Obras e Servizos (POS+) da Deputación da Coruña.
A finalidade da obra que se pretende acometer é mellorar o firme para xerar un percorrido accesible e seguro á praia de Mañóns, así como canalizar as pluviais eliminando o pozo aberto e que, nestes momentos, xera problemas de seguridade viaria.
Vaise actuar na renovación do pavimento asfáltico da vía de acceso, dunha lonxitude de 180 metros e un ancho de 8 metros.
O proxecto contempla tamén xerar beiravías de 5 metros de ancho a cada lado da vía, de chan compacto de area-cemento, para facilitar o estacionamento e accesibilidade ao areal.
Xunto cos pavimentos vaise realizar a canalización de pluviais que percorren pola beira oeste, para mellorar a seguridade de uso da vía.
Os pregos para a licitación están dispoñibles para a súa consulta na Plataforma de Contratación do Sector Público e as empresas interesadas poderán presentar as súas ofertas ata vindeiro día 16 de abril, segundo informa o Concello.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Acciona se asocia con Nissan para la distribución en Europa de su nuevo nanocar Silence S04
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el original mirador de Santiago que permite sacar la fotografía más buscada de la Catedral
- El informe municipal sobre la actuación de la Panorama en el Obradoiro es negativo: ¿Habrá cambio de escenario?