A Pobra promove obradoiros para ensinar oficios artesanais
As clases de cestaría serán impartidas por La Parabólica, no Campiño
![Amparo Cerecedo, no centro, na presentación do programa](https://estaticos-cdn.prensaiberica.es/clip/95e580c7-568c-420e-b9f4-b00e10891de6_16-9-aspect-ratio_default_0.jpg)
Amparo Cerecedo, no centro, na presentación do programa / CEDIDA
J. M.
Os centros socioculturais da Pobra do Caramiñal dinamizaranse con obradoiros artesáns de balde dentro do programa Feito coas túas mans, que se estenderá ata finais de ano. A concelleira de Promoción Económica, Amparo Cerecedo, presentou as propostas na compaña de José Manuel Riveiro (SonAgasallo), Loaira Pérez (Raposiñas), David Pérez (Noites de Datura) e Carla Martínez (Flow de Meiga).
As clases de cestaría serán impartidas por La Parabólica, no Campiño, os sábados entre o 27 de abril e o 4 de maio. Tamén contará con este taller A Ribeiriña, a cargo de Capixuta, do 18 ao 25 de maio. Noites de Datura será o encargado de ensinar sobre macramé no Camiño Ancho. Será nos mércores de xuño.
O muíño da Ponte Barbanza contará con cerámica da man de Raposiñas os mércores do mes de setembro, e tamén haberá clases para traballar a madeira con SonAgasallo, en Santo Isidro, en outubro, e talleres para aprender a facer xabóns, con Flow de Meiga, na Angustia, en novembro.