A Pobra pon o foco no valor ambiental da contorna cun fin terapéutico
A semana pasada desprazáronse ata a contorna das Xunqueiras para contemplar a flora e fauna
![Pardavila, esquerda, Cerecedo e Rial](https://estaticos-cdn.prensaiberica.es/clip/7c215885-1c14-450f-80ae-76feefd555b0_source-aspect-ratio_default_0.jpg)
Pardavila, esquerda, Cerecedo e Rial / CEDIDA
Persoas usuarias do Centro de Atención á Discapacidade da Pobra, tanto do servizo de atención temperá coma do centro ocupacional, atópanse inmersos nun proxecto educativo de carácter medioambiental que pon o foco na contorna como elemento terapéutico. Esta iniciativa lévase a cabo ao abeiro dun convenio coa empresa DS Smith Cartogal, que aporta preto de 5.000 €. Na entrega do donativo participaron José Ramón Pardavila, representante da firma; a edil de Servizos Sociais, Amparo Cerecedo; e a directora do centro, Julia Rial.
Actividades sensoriais e de orientación, xogos de control e equilibrio, observación de aves, taller de xardinería ou a aprendizaxe sobre as tres erres (reducir, reutilizar e reciclar) son algunhas das propostas que se realizarán ata finais de ano cunha terapeuta ocupacional especialista en integración sensorial, co apoio do equipo profesional do CAD.
Por exemplo, a semana pasada desprazáronse ata a contorna das Xunqueiras para contemplar a flora e fauna e recolectar recursos para traballar despois nas aulas. Séguese unha metodoloxía baseada en tratamentos individualizados e grupais, de forma lúdica, explorando o mundo sensorial e emocional no medio natural, segundo a directora do CAD, Julia Rial.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local