Destinan 300.000 euros á mellora das beirarrúas na avda. da Maía en Bertamiráns
![Avenida da Maía, en Bertamiráns.](https://estaticos-cdn.prensaiberica.es/clip/aaa99def-2ab8-4da3-a47b-b28675c41919_16-9-discover-aspect-ratio_default_0.jpg)
Avenida da Maía, en Bertamiráns. / ECG
Redacción
O presidente da Deputación da Coruña, Valentín González Formoso, e o alcalde do Concello de Ames, Blas García, asinaron un convenio de colaboración para cofinanciar o acondicionamento e mellora das beirarrúas da avenida da Maía, en Bertamiráns. O orzamento da actuación ascende a 301.205 euros, dos que a entidade provincial aporta o 80 % do financiamento, que supón 240.964 euros, e a administración local a cantidade restante (60.241 euros).
Cómpre lembrar que no pleno ordinario de xuño de 2021 aprobouse por unanimidade de toda a Corporación a solicitude de dita subvención nominativa á Deputación Provincial da Coruña.
A avenida da Maía é a principal arteria de Bertamiráns e, dende que no ano 2020 se conseguiu a cesión da mesma por parte da Xunta, o goberno municipal está traballando na súa humanización. Nos últimos meses xa se realizaron melloras no pavimento da estrada e agora preténdese mellorar o estado das beirarrúas.
As beirarrúas de ambas marxes da avenida da Maía presentan un estado deficiente e heteroxéneo froito das intervencións realizadas, así como do uso da maquinaria de limpeza viaria que debido ao peso e ao uso habitual ocasionan danos. Ten, ademais, numerosas arquetas e pozos deteriorados.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local