Os socialistas piden ampliar en 200 metros o dique de abrigo do porto de Malpica
Redacción
O PSdeG-PSOE presentará unha iniciativa no Parlamento de Galicia para instar á Xunta a ampliar en douscentos metros o dique de abrigo do porto de Malpica. A formación sinala que se trata dunha actuación “xusta, lexítima e razoable que suporía un cambio substancial para a localidade”.
“A ampliación do dique de abrigo faría de Malpica un porto de referencia en Galicia, mellorando a seguridade nunha instalación que en 2018 se cobrou unha vítima mortal, e permitiría ademais o atraque dos arrastreiros para descargar mercadorías”, explicou o portavoz do grupo parlamentario socialista, Luis Álvarez, quen advertiu que “a vida de Malpica nace ao redor dun porto que estamos a ver día a día que está a quedar sen actividade, o que provoca a diminución da poboación”.
Nese sentido, reclamou “unha aposta real polo porto, que permitiría recuperar emprego e aumentar a riqueza do pobo, aproveitando unha situación xeográfica privilexiada grazas á boa saúde dos bancos de pesca da zona”.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- A Estrada pon en valor os produtos agroalimentarios locais na segunda feira multisectorial de San Xorxe
- Maio Vintage: Boiro revive os anos oitenta cun mercado retro
- Incautan 244 quilogramos de peixe que excedían o cupo diario dunha embarcación de Porto do Son
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- Sofía Shizuko y Waydn unen su talento en un nuevo single titulado ‘como yo te quiero’