Xesús Búa trae a Vimianzo as imaxes da loita entre o mar e os percebeiros
O fotógrafo muxián Xesús Búa amosará na casa da cultura de Vimianzo, a partir do venres, día 10, máis de trinta imaxes da súa exposición Homes e mulleres de sal e ferro, coa que expresa a través de retratos “o tesón e a forza física e psíquica dos percebeiros” da Costa da Morte.
Unha mostra que recolle en fotografías como é a xornada destes homes e mulleres, “desde que almorzan na casa, ata que saltan ao mar para centrarse na loita co mar, e tamén a escolla do produto cando chegan a terra”, sinala Búa. Imaxes de percebeiros de Muxía, Camelle e Camariñas captadas ao longo de moitos anos nas pedras de Illa Lobeira, na Punta da Barca e Touriñán, entre outros espazos.
A exposición, comisariada por Lois Búa, compleméntase con ferramentas, traxes de traballo e calzado empregados polos propios percebeiros, para ofrecer unha visión máis ampla do seu labor. No acto inaugural, que comezará ás 20.00 horas e será presentado polo historiador Xan Fernández Carrera, intervirán tamén varios poetas de Costa da Morte, que ofrecerán un recital de poemas de diversos autores da zona. A mostra recala en Vimianzo despois de pasar polas illas Azores e polo Pazo da Cultura de Carballo.
- Padrón celebra o seu San Xoán de Raio coa comida de confraternidade
- Jealsa invertirá 29,5 millones de euros en la ampliación de su conservera Escurís en A Pobra
- A prisión un vecino de Malpica que atracó una oficina bancaria en Camariñas tras un intento fallido en Muros
- Un vehículo impacta contra el vallado de una casa en A Pobra
- Así es el molino de mareas más grande de Galicia que parece flotar en el agua
- A Deputación habilita un novo aparcamento con 395 prazas na área da praia de Balarés
- El 'hotel rosa' de Vedra, entre los diez mejores alojamientos de España para la Guía Michelín
- Rocío Caamaño presenta en Madrid canciones nacidas de historias reales de sus fans