Xantares e tapas con pasatempos para promocionar a lingua galega nos locais hostaleiros de Carballo
Repartirán 20.000 salvamanteis con anagramas e sopas de letras // Incluirán imaxes da píllara das dunas e un poema de Pondal
O alcalde, segundo pola esquerda, presidiu a presentación da iniciativa lingüística /concello de carballo / j. m. ramos
A partir da Semana Santa os clientes da hostalaría de Carballo poderán entreterse e exercitar o uso da lingua galega facendo unha sopa de letras ou un anagrama mentres agardan por unha tapa, unha ración ou un xantar. Trátase dunha nova iniciativa do Servizo de Normalización Lingüística en colaboración coa Asociación da Hostalaría.
Con tal fin farase un reparto masivo de salvamanteis (20.000 unidades na primeira edición) con pasatempos da revista A píllara, editada polo Concello de Carballo coa colaboración da Asociación Socio-Pedagóxica Galega. Ademais, incluirán imaxes da píllara das dunas, un poema de Eduardo Pondal no que se fala desta ave protexida e mesmo un código QR que permite escoitar o seu canto. Uns contidos que irán variando en futuras tiradas.
A proposta foi moi ben acollida polo sector e xa hai unha ducia de establecementos anotados. Os que aínda non se apuntaron poden facelo poñéndose en contacto co Servizo de Normalización Lingüística (SNL) a través do enderezo electrónico snl@carballo.gal, chamando ao 881 883 865 ou de maneira presencial na casa do concello.
Todas as peticións serán aceptadas e incluso se irán repoñendo os salvamanteis ata fin de existencias. E tampouco se descarta realizar novas tiradas. A iniciativa foi presentada nun acto presidido polo alcalde carballés, Evencio Ferrero, no que participaron tamén o concelleiro de Promoción Económica, Xosé Regueira; a edil de Normalización Lingüística, Maruxa Suárez; a técnica do SNL, Carme Pereiro, e varios profesionais do sector hostaleiro.
O Servizo de Normalización Lingüística ten en marcha tamén varios proxectos colaborativos como Youtubeiras e Enreguéifate, actividades para familias con cativada de 0 a 6 anos a través da rede Apego e cursos preparatorios para as probas Celga, de inmersión lingüística para extranxeiros e de linguaxe administrativa para o persoal municipal. Tamén promoveu campañas de reparto de adhesivos a alumnos da ESO e colaborará coa UDC no curso de verán Traballando en lingua.
- Localizan a cinco millas de Cabo Fisterra el cadáver del tripulante del velero encontrado a la deriva
- Así es la ruta entre cascadas y molinos más bonita de Ames: apta para hacer con niños y a veinte minutos de Santiago
- Vecinos de Noia denuncian que llevan tres meses sin dormir por el ruido de perros encerrados
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Padrón consegue máis de 60.000 euros para desenvolver o embelecemento turístico do Sar
- Naturgy entra en la carrera por hacerse con el proyecto de la balsa de Cornanda
- Cuatro vecinos de Noia y Ribeira, detenidos en Outes como supuestos autores de un robo en una vivienda
- Cae un grupo criminal al que se le atribuyen más de 40 robos de herramientas y maquinaria por Costa da Morte
