Área
Ruiz levará a pleno a proposta de adquisición dun terreo para o novo centro de saúde de Ribeira
![Á esquerda, vallas do terreo que pretende adquirir o Concello para construír o novo centro de saúde.](https://estaticos-cdn.prensaiberica.es/clip/7d0062aa-1f7c-4e8a-9184-2e51a0ff12e1_16-9-discover-aspect-ratio_default_0.jpg)
Á esquerda, vallas do terreo que pretende adquirir o Concello para construír o novo centro de saúde. / Concello de Ribeira
Ente os puntos que van ser debatidos pola Corporación municipal de Ribeira no pleno ordinario do vindeiro de 27 de marzo figura o inicio do expediente de compravenda de terreos para a construción do novo centro de saúde. A parcela, propiedade do Sareb, está situada no barrio de Cubeliños, moi preto da nova Escola Infantil Municipal e dos dous aparcadoiros públicos de Abesadas. Consta dunha superficie de 2.174 metros cadrados, cunha fronte ao vial (linde leste) de 100 metros lineais, ao linde norte de 17,7 netros e ao linde sur de 17,3, lindando ao oeste cunha zona verde.
De acordo coa valoración técnica efectuada, o valor do predio (resultante de restar ao valor do terreo os custes de demolición da construción existente), ascende a un total de 806.063,2 euros. O propósito deste punto da orde do día reside en iniciar o procedemento para a súa adquisición directa e ordenar a redacción do pliego de cláusulas administrativas que rexan o contrato e proceso de adxudicación. A intención do executivo unha vez culmine o procedemento é poñer este terreo a disposición da Consellería de Sanidade para albergar alí o novo centro de saúde de Ribeira, segundo explicou o alcalde, Manuel Ruiz.
Hai que lembrar a este respecto que a actuación ribeirense foi incluída dentro da fase 1 do Plan de Infraestruturas Sanitarias de Atención Primaria da Xunta de Galicia: unha folla de ruta dividida en tres fases en función do nivel prioridade, que prevé a posta en marcha de 37 centros e a reforma de 14 en toda a xeografía autonómica, co ánimo de implantar un novo modelo de atención primaria cun máis categorías e unha aposta decidida pola atención multidisciplinar.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local