Reforzarán a seguridade e ampliarán as beirarrúas da estrada de Bermún, en Cee
As obras, orzamentadas en más de 647.000 euros, serán financiadas pola Deputación da Coruña
![A alcaldesa de Cee, Margarita Lamela, e o presidente da Deputación, Valentín González, impulsaron a mellora da estrada de Bermún.](https://estaticos-cdn.prensaiberica.es/clip/8899b596-e69d-4fa6-853d-2d80fd81b506_16-9-discover-aspect-ratio_default_0.jpg)
A alcaldesa de Cee, Margarita Lamela, e o presidente da Deputación, Valentín González, impulsaron a mellora da estrada de Bermún. / Concello de Cee
A veciñanza de Bermún (Cee) e o alumnado da escola infantil de Pereiriña serán o principais beneficiarios das obras de mellora da seguridade da estrada provincial DP-2303 ao seu paso por Bermún, que a Deputación vén de sacar a licitación este luns.
Unha actuación que conta cun orzamento de 647.220,11 euros e as empresas interesadas poderán presentar as súas ofertas ata o 24 de abril. O proxecto inclúe a mellora dos itinerarios peonís, acondicionando as beirarrúas existentes e ampliándoas ata os dous metros. Ademais renovarase o pavimento da senda de aglomerado existente e prolongarase cara o sur, ata o cruce de Lobelos, e cara o norte, construíndo neste caso por ambas marxes dúas sendas de 2 metros de ancho ata a finalización do núcleo de Bermún, dotándose na marxe esquerda de aparcamentos en liña. Ademais, mellorarase a drenaxe coa instalación dunha cuneta de seguridade dotada de sumidoiros e tubaxes de pluviais para evitar a acumulación de auga.
A alcaldesa de Cee, Margarita Lamela, asegura que con estas obras dáse resposta a unha demanda que o seu goberno plantexou á Deputación en novembro de 2021 e que “logo dos previos trámites administrativos, agora faise realidade coa súa licitación”. Agradece o apoido do presidente provincial a este proxecto e asegura que “a humanización e a seguridade viaria en Bermún é unha mostra do compromiso da Deputación con Cee e a súa veciñanza”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local