Zas formará nun obradoiro ás coidadoras profesionais sobre os dereitos laborais

O centro sociocultural de Zas acollerá o vindeiro xoves, 27 de abril, o obradoiro Feminismos, traballo e vida. Dereito ao coidado, coidados con dereito dirixido ás traballadoras do ámbito dos coidados.

Impartirase de 18.00 a 20.00 horas, e o obxectivo é formalas sobre os dereitos laborais, poñendo énfase nas últimas novidades lexislativas, así como tamén fomentar a reflexión sobre os coidados, fundamentais para soster as vidas.

É unha iniciativa da área de Igualdade da Deputación da Coruña á que se suma o Concello de Zas. As interesadasdeberán anotarse no Centro de Información á Muller chamando ao 981 70 83 03.