Xisco Feijoo, AldaoLado e Reixa van actuar no festival Abride a Fiestra
A quinta edición deste festival terá lugar o sábado 15 de xullo, coincidindo co 138 aniversario do pasamento de Rosalía de Castro
![Pola esquerda, o novo alcalde Anxo Arca, Valentín García, Anxo Angueira e Xurxo Couto](https://estaticos-cdn.prensaiberica.es/clip/d08d8ff9-fcad-45b2-8092-948b20240c54_16-9-aspect-ratio_default_0.jpg)
Pola esquerda, o novo alcalde Anxo Arca, Valentín García, Anxo Angueira e Xurxo Couto / fundación rosalía
A Fundación Rosalía de Castro pon en marcha a quinta edición do festival Abride a Fiestra, que terá lugar o sábado 15 de xullo, día no que se cumpren 138 anos do pasamento da autora, e que vai incluír diferentes manifestacións culturais, tendo a Rosalía como figura central. Entre os protagonistas do evento actuarán Xisco Feijoo, AldaoLado, Antón Reixa, Xurxo Souto, Olga Novo e Moncha Fuentes, entre outros.
A programación de Abride a Fiestra foi presentada este xoves en rolda de prensa na propia Casa-Museo de Rosalía, e nela participaron Anxo Angueira, presidente da Fundación Rosalía; Valentín García, secretario xeral de Política Lingüística; Xurxo Couto, responsable de Cultura da Deputación da Coruña, e Anxo Arca, o novo alcalde de Padrón.
Segundo se puso de manifesto na presentación, nunha xornada de portas abertas de 11.00 da mañá ata a medianoite, a Horta, a Casa-Museo e o auditorio acollerán case vinte actividades e vindeiro 15 de xullo.
Na Horta terán lugar o concerto de Xisco Feijoo ou as actuacións de AldaoLado, Antón Reixa e Xurxo Souto. Para os máis pequenos haberá un espazo de brinquedos tradicionais, un obradoiro de brinquedos sonoros e un concerto de Ce Orquestra Pantasma.
Asemade, na propia Casa-Museo haberá un pianista residente, Suso Alonso, que estará ao longo do día tocando no Piano de Rosalía, pero tamén contarán con visitas guiadas por persoeiros, como o académico Xosé Luís Axeitos, as profesoras Rita Bugallo e Carme Pérez-Sanjulián ou o escritor Manuel Lorenzo Baleirón.
Pola súa banda, no Auditorio haberá unha charla sobre Manuel Murguía no centenario do seu pasamento a cargo de dous expertos no personaxe, Xosé Luís Axeitos e Henrique Rabuñal. Ademáis, Teatro Airiños, a compañía máis antiga de Galicia, presentará o libro conmemorativo dos seus 90 anos de vida cunha pequena actuación, e a xornalista Belén López conversará coa poeta Olga Novo e coa novelista Moncha Fuentes. E, por último, terá lugar un acto institucional no que se lle entregará a Rosa de Galicia a unha persoa ou institución destacada na defensa da figura da escritora ou na promoción do legado rosaliano.
Ademais, durante a xornada festiva organizouse unha cata de viños auspiciada pola adega Paco & Lola e unha degustación de vermú Petroni. Tamén haberá posibilidade de xantar na propia Horta da Casa da Matanza.
Os organizadores lembran que este festival é posible grazas ao apoio da Deputación Pronvicial da Coruña, o Concello de Padrón, a Xunta de Galicia, Paco&Lola e Gadis.
Calendario
O festival e xornada de portas abertas Abride a Fiestra puxose en marcha hai cinco anos como unha das actividades que desenvolve a Fundación en torno a figura de Rosalia de Castro, unha xornada na que se unen a música, a literatura e tamén a gastronomía propia da zona.
É outras das grandes actividades, ao marxe da celebración do Día de Rosalía: Alborada e Caldo de Gloria, xunto coa homenaxe do mar a Rosalía A Inchadiña branca vela, no calendario anual da institución cultural rosaliana.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local