Costa da Morte, a terra dos cen pazos: das Torres do Allo ás do Cereixo
![Pazo das Edreiras, na parroquia de San Martiño de Meanos, no municipio de Zas](https://estaticos-cdn.prensaiberica.es/clip/2d5d7b87-c246-49db-9dcc-eacc3e6c7f70_16-9-aspect-ratio_default_0.jpg)
Pazo das Edreiras, na parroquia de San Martiño de Meanos, no municipio de Zas / Torres do allo
As Torres do Allo, consideradas o pazo máis antigo de Galicia, convidan a afondar na historia destas terras atlánticas a través da exposición Terra de Pazos: Casas grandes da Costa da Morte, organizada polo Concello de Zas e a Deputación da Coruña. Recolle os máis de cen pazos, casas grandes e construcións brasonadas distribuídas por este territorio.
Unha mostra que, segundo o historiador e responsable da programación cultural das Torres do Allo, Leo González, toma como eixo central “as arquitecturas que foron moradas da nobreza rural galega, a fidalguía, unha clase privilexiada que durante a Idade Moderna viviu do aproveitamento da terra a través do cobro de rendas”.
Os pazos, engade, constituíron o centro económico e administrativo deste sistema económico que se desenvolveu en Galicia durante o Antigo Réxime entre o século XVI e XIX “e que na Costa da Morte en particular aínda estivo vixente nalgunhas freguesías de maneira residual ata finais do século XX”.
![Torres de Cereixo, situadas no municipio de Vimianzo /t. do allo](https://estaticos-cdn.prensaiberica.es/clip/d2aa0f53-3b6c-4ef7-9bf4-6a1eaa3cc8a6_alta-libre-aspect-ratio_default_0.jpg)
O ALCALDE DE ZAS CONTEMPLANDO A MOSTRA / TORRES DO ALLO / J. M. RAMOS
A ollada de Terra de Pazos achégase ademais a unha área onde a variedade construtiva é enorme. “Nela podemos apreciar edificios impoñentes, rodeados de xardíns e de elevados muros como as Torres de Cereixo (Vimianzo), o Pazo de Trasariz (Vimianzo), Romelle (Zas), Soesto (Laxe) ou Vilardefrancos (Carballo)”, subliña Leo González. Pero tamén presta atención a pequenas arquitecturas que en moitos casos apenas se diferenciaban das vivendas de campesiños acomodados, como é o caso dos pazos de Carrabete (Laxe), a casa de Alonso de Lema (Vimianzo) ou o pazo de Senande (Muxía).
Neste periplo que propón a exposición amósase tamén o mundo dos pazos a través dos seus símbolos de prestixio (pombais, chemineas, balcóns, escaleiras); das liñaxes que os habitaron e da súa simboloxía. Trátase “dunha viaxe a un mundo xa desaparecido, pero cuxas pegadas continúan presentes e visibles na paisaxe”, afirma o historiador.
![O alcalde de Zas contemplando a mostra / torres do allo](https://estaticos-cdn.prensaiberica.es/clip/2d27a605-83ca-4b4d-9798-71ee12fcba72_alta-libre-aspect-ratio_default_0.jpg)
Torres de Cereixo, situadas no municipio de Vimianzo /T. do Allo / J. M. RAMOS
Sinala ademais que este “é un mundo bastante descoñecido, pois a maioría dos pazos e casas señoriais son de propiedade privada e só uns poucos, como o Pazo do Souto de Carballo, convertido en casa de turismo rural, ou o de Trasariz, en Vimianzo, dedicado agora a eventos, son visitables, xunto coas Torres do Allo, de titularidade pública”.
A exposición, que foi inaugurada polo alcalde de Zas, Manuel Muíño, marca ademais o inicio da tempada de verán nas Torres do Allo, que este ano contan cunha extensa axenda cultural. Durante á visita ao pazo o rexedor tivo oportunidade de falar cos nenos e nenas do campamento Zas no verán 2023.
Nesta primeira quenda acadáronse as 50 inscricións e as actividades didácticas e de lecer estanse a desenvolver de luns a venres polas mañás. Outra das actividades estrela do pazo arrancará o 5 de xullo co popular Escape Room do Allo. Este ano titúlase A matanza do Allo, mudando mudando totalmente a narrativa e con novos retos. Este apaixonante xogo de escapismo, orientado ao público xuvenil e adulto, estará dispoñible baixo reserva ata o 15 de setembro e realizarase de luns a sábado ás 16.00 horas.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local