Manuel Cuíña retira a dimisión como alcalde de Silleda tras pactar as retribucións co BNG
O socialista presidirá hoxe o pleno que aprobará tres dedicacións totais e un posto de persoal eventual
Blíndanse 3.000 € en axudas a entidades veciñais e participación social
Os grupos municipais do PSdG-PSOE e do BNG de Silleda asinaron un acordo polo que asumen unha serie de compromisos para o presente mandato cos que se desbloquea a gobernabilidade, despois de que o alcalde socialista Manuel Cuíña dimitira o pasado día 19 ao non obter o apoio do Bloque sobre as retribucións do executivo. Cuíña retirou a súa renuncia. En virtude do acordo alcanzado agora, o BNG compromete o seu voto a favor da seguinte proposta de retribucións de cargos electos locais con dedicacións exclusivas ou parciais. Así, a Alcaldía disporá dunha dedicación exclusiva de 3.428,57 euros brutos ó mes (48.000 euros brutos anuais, en 14 pagas); a primeira tenente de alcalde e responsable da concellería de Cultura, Deporte, Mocedade, Voluntariado, Normalización Lingüística e Participación Cidadá terá unha dedicación exclusiva de 2.192,86 euros brutos ó mes (30.700 euros anuais en 14 pagas); e a concellería de Benestar Social, Servizo de Axuda no Fogar, Maiores, Igualdade, Sanidade, Educación e Diversidade terá unha dedicación exclusiva de 1.878,57 euros brutos ó mes (26.300 euros en 14 pagas).
Ademais, incluirase na orde do día do pleno de organización de hoxe a aprobación dun posto de persoal eventual, que percibirá 26.265,20 €.
Ambas formacións políticas acordan destinar este ano unha cantidade do orzamento vixente na partida de dedicacións (3.000 €) á destinada ás subvencións municipais por concorrencia competitiva a entidades veciñais e/ou de participación social.
Asimesmo, PSOE e BNG apostan pola municipalización dos servizos públicos. Neste mandato, e logo da municipalización dos servizos de augas e de Axuda no Fogar, os socialistas silledenses comprométense a manter a xestión pública destes durante os próximos catro anos.
Ambas formacións concordan na necesidade de estender a rede de abastecemento e saneamento de auga nas parroquias, incluíndo nos orzamentos partidas para esa fin, e acordarán no orzamento anual o incremento necesario para acometer o plan de desbroces no rural con medios propios en todas as parroquias.
- El Correo Gallego - Diario de la capital de Galicia
- Cesa el equipo directivo por los problemas de convivencia que lleva meses sufriendo el Instituto do Milladoiro
- El eucalipto de Galicia prepara su camino para convertirse en ropa
- Lavacolla se prepara para recibir a los viajeros de los vuelos desviados por el cierre de Peinador
- Devuelven unos 4.000 euros que escupió un cajero automático en Lalín tras ingresarlos un vecino
- La nueva tableta de chocolate con galleta revoluciona Mercadona: cuesta 1€ y dicen que es mejor que el de Nestle
- Crónica social compostelana | La familia De la Iglesia se reúne en honor a sus padres
- Así fue el discurso viral de una gallega contra el turismo que cada año inunda Santiago de Compostela: "Somos un decorado en su Camino de Santiago