Ferrovial abonará o consumo das luminarias, os semáforos, as regas e a decoración de Nadal de Silleda
A empresa asume o mantemento e a xestión integral do alumeado público exterior por 14 anos
Todos os puntos de luz van ser led
![Luminarias na Praza de Outeiro, no municipio de Silleda](https://estaticos-cdn.prensaiberica.es/clip/e91830af-65c4-4474-a977-252ffde9f9e1_16-9-aspect-ratio_default_0.jpg)
Luminarias na Praza de Outeiro, no municipio de Silleda / Concello de Silleda
O alcalde de Silleda, Manuel Cuiña, e os representantes de Ferrovial, a través da área de Energy Solutions, asinaron onte a acta de inicio do contrato de servizos enerxéticos e de mantemento integral do alumeado público exterior do concello, que ten unha vixencia de 14 anos e un importe total de 8.393.274 € que corresponde a 599.519 € anuais.
Ferrovial asumirá toda a xestión do sistema de alumeado exterior recollida no contrato, que vai dende a xestión enerxética, o mantemento da rede, a garantía total das instalacións, a implantación dunha plataforma de control ou a contratación dunha oficina externa de control.
A empresa adxudicatoria non só asumirá a vixilancia e control para o correcto funcionamento da instalación de alumeado exterior municipal, senón tamén a xestión e o abono do consumo eléctrico das luminarias, os semáforos, o alumeado de Nadal, as marquesiñas, as regas, etc.
Ademais, Ferrovial asume tamén a obriga contractual de execución de investimentos para a mellora e a renovación das instalacións do alumeado, entre os que destaca a substitución de todas as luminarias por led, a renovación integral dos cadros eléctricos e o desplegue dunha plataforma para a xestión da operación e o mantemento, o que, segundo o alcalde, “permitirá que Silleda teña un alumeado 100% con tecnoloxía led”.
Ferrovial asume tamén as tarefas de mantemento rutinario, tanto programado como preventivo e correctivo, co fin de garantir o perfecto funcionamento e limpeza de toda a rede de alumeado público exterior. Establecerase para elo un plan de mantemento e inspección da rede que permitirá garantir non só a limpeza periódica, senón tamén a reparación dos elementos danados o envellecidos de todas as luminarias.
A empresa terá a obriga de reparar calquera avaría nun prazo de entre 24 e 48 horas dende que sexa detectada. O novo módulo informático de xestión enerxética integrará un portal de avisos para a cidadanía (Liña Verde) que proporcionará aos responsables do contrato alarmas e avisos, vía SMS ou correo electrónico, de incidencias.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local