As chuvias permiten avanzar cara a normalidade nos puntos de abastecemento de auga da Laracha
Representantes municipais e a responsable da empresa Viaqua avaliaron a situación
A Xunta reunirá o mércores en Coristanco aos concellos con captacións no Anllóns
![O alcalde da Laracha, no centro, con concelleiros e responsables de Viaqua](https://estaticos-cdn.prensaiberica.es/clip/b03316e6-46da-4eb7-a6c1-698bb3c58730_16-9-discover-aspect-ratio_default_0.jpg)
O alcalde da Laracha, no centro, con concelleiros e responsables de Viaqua / Concello da Laracha
J. M. Ramos
O alcalde da Laracha, José Manuel López Varela, e o concelleiro de Medio Ambiente, José Ramón Martínez Barbeito, acompañados por técnicos municipais, mantiveron este luns unha reunión con René Rodríguez, responsable de operacións de Viaqua -empresa concesionaria da prestación dos servizos de abastecemento de auga e saneamento- para analizar a situación actual da captación no termo municipal.
Aínda que a semana pasada Augas de Galicia activara a alerta por escaseza no sistema de abastecemento do río Anllóns, "as chuvias rexistradas nos últimos días e a previsión de precipitacións para as próximas xornadas permitiron que se vaia recuperando a normalidade nos puntos de subministro de auga", afirman dende o Concello.
O mércores pola mañá haberá representación tanto do Concello da Laracha como de Viaqua na reunión convocada por Augas de Galicia que se vai celebrar en Coristanco e na que están convidados a participar todos os municipios que captan do río Anllóns. O propósito é coñecer o estado actual e, de ser o caso, estudar as medidas a aplicar para evitar situacións de escaseza como as rexistradas tanto a primeiros de outubro como durante o verán.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local