Organizacións cidadás axudan a divulgar o Complexo de Corrubedo
O centro de recepción de visitas acolleu un encontro de entidades que presentaron estudos sobre aves, bolboretas e fauna mariña
![Tarefas de recuperación dunha planta ameazada en Corrubedo](https://estaticos-cdn.prensaiberica.es/clip/efa73fbe-a357-4f55-97f4-07de1c9955d7_16-9-discover-aspect-ratio_default_0.jpg)
Tarefas de recuperación dunha planta ameazada en Corrubedo / Xunta
A Xunta organizou este sábado en Ribeira unha xornada divulgativa sobre a ciencia cidadá no Complexo Dunar de Corrubedo e Lagoas de Carregal e Vixán para poñer en valor o papel vital que teñen a sociedade e o público en xeral no estudo e análise da súa contorna.
No encontro participaron distintas entidades e organizacións cidadás que contribúen activamente á ciencia -tanto co seu esforzo intelectual como coas ferramentas e recursos ao seu alcance- e que mostraron os resultados obtidos froito do seu estudo de diferentes ámbitos do parque natural, como o estado das poboacións de aves, coleópteros, bolboretas ou fauna mariña.
Dende a Administración autonómica destacan que “estes axentes convértense en importantes activos pois recollen datos que poden ser empregados polos investigadores e científicos dando como resultado un escenario aberto e transversal no que as interaccións entre ciencia, sociedade e política ambiental contribúen a mellorar a toma de decisións. Ese labor tamén axuda a espertar a vocación científica do conxunto da sociedade ao fomentar un maior compromiso social”.
Os voluntarios aportan así valor á investigación, adquiren novos coñecementos ou habilidades e achéganse ao método científico de maneira atractiva. De feito, xornadas como a celebrada no auditorio do Centro de Recepción de Visitantes Casa da Costa de Ribeira “permiten intercambiar experiencias e avanzar no coñecemento dos distintos aspectos que a ciencia cidadá está a analizar na actualidade”, subliñan dende a Xunta.
Parque natural
O ámbito do parque natural de Corrubedo é un bo campo de estudo para todos os interesados na natureza pois trátase dun sistema dunar único en toda Galicia que ten asociadas as lagoas de Carregal e Vixán. Este espazo conta coa presenza de diversos hábitats litorais como os ambientes dunares, praias, rochedos, litorais ou marismas que o fan singular e especialmente atractivo.
A maiores hai abundante presenza tanto de fauna -entre a que hai especies de aves destacables como o alcaraván común ou a píllara- como de flora, incluídas variedades de plantas endémicas, raras ou ameazadas ou cun valor floral ou bioxeográfico singular, resaltan dende a Xunta.
O pasado mes de setembro a Adeministración autonómica completou os labores de restauración ecolóxica na contorna da duna costeira incluídos nun proxecto impulsado no 2022 para o control e erradicación de especies arbóreas colonizadoras. A actuación permitiu intervir unha superficie de 163 hectáreas.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local