Carballo recibiu o premio Aproema pola protección do medio ambiente
![O concelleiro Miguel Vales, esquerda, recollendo o premio / c. carballo](https://estaticos-cdn.prensaiberica.es/clip/5bf16bec-c047-4f10-a980-e8d8943f41b3_16-9-aspect-ratio_default_0.jpg)
O concelleiro Miguel Vales, esquerda, recollendo o premio / c. carballo / redacción
Redacción
Carballo 2030 é o proxecto público máis sostible de Galicia, e así vén de recoñecelo a Asociación Profesional de Empresas Medioambientais de Galicia (Aproema) ao outorgar ao Concello o seu galardón anual na categoría de Entidades Públicas.
O concelleiro de Medio Ambiente e Servizos, Miguel Vales, recolleuno nun acto celebrado en Vigo, no marco do II Foro Empresa Sostible, organizado pola Confederación Empresarial de Pontevedra. O Concello de Carballo foi galardoado na categoría de Entidades Públicas pola estratexia Carballo 2030, que abrangue accións relacionadas coa xestión sostible dos servizos públicos e a mobilidade.
Os premios Medio Ambiente Aproema, que están organizados en colaboración coa Xunta de Galicia, Sogama, Ecoembes, a Universidade de Santiago de Compostela e a Federación Galega de Municipios e Provincias, pretenden destacar e recoñecer as accións individuais ou colectivas, tanto públicas coma privadas, que se desenvolven en Galicia en favor do medio ambiente.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local