Someten a estudo a viabilidade socioeconómica e ambiental da biomasa forestal en Barbanza
A finalidade é apoiar ás comunidades na xestión de montes nos que deben facer faixas de protección
![Un operario acometendo traballos forestais na Pobra.](https://estaticos-cdn.prensaiberica.es/clip/7da7ebe0-5f80-422d-99f0-8920db17b479_16-9-discover-aspect-ratio_default_0.jpg)
Un operario acometendo traballos forestais na Pobra. / Concello da Pobra
Suso Souto
O pleno da Deputación da Coruña aprobou por unanimidade o convenio de colaboración entre a institución provincial e a Federación Rural Galega para o financiamento do proxecto de estudo, análise de viabiliade socioeconómica e medioambiental nas franxas da biomasa forestal nos montes veciñais en man común das comarcas do Barbanza e Costa da Morte.
O orzamento total destinado a tal fin ascende a 60.042 euros, dos que a Deputación coruñesa achega 48.000 euros (o que supón o oitenta por cento da actuación).
“O obxectivo deste estudo é establecer medidas de apoio ás comunidades de montes veciñais en man común para acadar un maior coñecemento das posibles viabilidades económicas, sociais e medioambientais da xestión da biomasa forestal, naquelas superficies dos seus montes nas que é necesario establecer faixas de protección de carácter social, como é a prevención e a loita contra os incendios forestais”, explicou ao respecto o presidente provincial, Valentín González Formoso.
A Federación Rural Galega ten como finalidade principal a defensa dos intereses das asociacións vinculadas ao medio rural galego e asociadas ás mesmas así como tamén a información, a formación, a investigación e a transferencia de coñecementos en actividades relacionadas co rural galego, en calquera das súas formas.
Ademais, o servizo desenvolvido pola entidade está a levar a cabo diversas actuacións no eido do medio ambiente, que teñen relación cos montes veciñais en man común, en aplicación da lexislación de prevención e defensa contra os incendios forestais, e a repercusión económica de custos de xestión da biomasa forestal nas superficies afectadas polas faixas de protección de redes secundarias e terciarias, así como “a formulación de alternativa para a sustentabilidade económica e social por medio dos aproveitamentos”, segundo explican dende a Deputación.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local