As sombras de peche volven planear sobre o Instituto Social da Mariña de Corcubión
O centro, do que dependen 1.400 mariñeiros da Costa da Morte, está sen servizo médico // O sindicato CIG asegura que a praza está vacante e non se cubrirá ata que haxa oposicións
![Concentración celebrada diante do ISM de Corcubión en outubro de 2020 pola perda de servizos / ECG](https://estaticos-cdn.prensaiberica.es/clip/8de3d559-7e1d-4408-94da-736eb80df3b1_16-9-aspect-ratio_default_0.jpg)
Concentración celebrada diante do ISM de Corcubión en outubro de 2020 pola perda de servizos / ECG / J. M. RAMOS
A historia repítese e, como xa sucedera nos anos 2020 e 2021, as sombras de peche volven planear sobre o Instituto Social da Mariña de Corcubión (ISM), do que dependen máis de 1.400 mariñeiros da Costa da Morte para facer os seus recoñecementos médicos, segundo sinala o sindicato CIG.
As alarmas saltaron de novo na reunión da executiva do ISM da Coruña, cando a directora provincial do referido organismo “confirmou que a praza médica de Corcubión está vacante e que o organismo non vai adoptar ningún tipo de medida mentres non haxa oposicións”, afirma o secretario comarcal da CIG Mar, Manuel Camiño. “Deixan así sen servizo de maneira indefinida aos mariñeiros e materializa un peche encuberto deste centro”, engade.
Dende a organización sindical denuncian que “estase a eliminar un servizo de proximidade que precisan os mariñeiros para realizar o seu traballo”, ao tempo que subliñan “o gasto que lle vai supoñer a estes profesionais, ao ter que desprazarse a outras localidades e ter que perder días de mar”.
Este martes, o deputado do BNG no Congreso, Néstor Rego, rexistrou na Cámara Baixa unha serie de preguntas para que o Goberno central esclareza se as dependencias do Instituo Social da Marina (ISM) de Corcubión van continuar co servizo de recoñecemento médico, “unha vez que xa está confirmado que a partires do 14 de febreiro a médica que vén desenvolvendo dito servizo deixará o seu posto por motivos profesionais”.
No centro local de sanidade marítima de Corcubión realízanse os recoñecementos médicos dos traballadores do mar de Cee, Corcubión, Fisterra, Muxía, Camariñas, Laxe, Ponteceso e Malpica, polo que os nacionalistas piden que o Goberno explique “que tipo de medidas ten adoptado ou vai adoptar para asegurar a continuidade do servizo”.
Antecedentes
Xa en setembro de 2020, o ISM de Corcubión quedou temporalmente sen persoal médico debido a unha baixa por enfermidade, sen que se designase un substituto, o que mobilizou a representantes políticos, sindicais e aos propios profesionais, que expresaron o rexeitamento ao peche nunha concentración en outubro. Un ano despois, en setembro de 2021 o centro pechou temporalmente, neste caso pola falla de persoal administrativo. Agora o ISM volve a perder persoal e os fantasmas do pasado reviven, así como o temor a quedar sen este servizo.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local