Xosé Manuel Lobato presenta ‘Natureza Camiño Emocións’ no hotel literario Bela Fisterra
Suso Souto
O Hotel Bela Fisterra acolleu este domingo a presentación do libro Natureza Camiño Emocións, de Xosé Manuel Lobato, formado por un conxunto de pequenos relatos independentes no que o autor toma como instrumento a natureza para divagar con gran beleza sobre aspectos moi dispares da vida cotiá, convertendo as súas narracións en auténticas historias.
O libro está formado por un conxunto de pequenos relatos independentes no que o autor toma como instrumento a natureza para divagar con gran beleza sobre aspectos moi dispares da vida cotiá convertendo as súas narracións en auténticas historias. Tal e como indica no seu título, a natureza como instrumento para facer ese camiño que leva a espertar emocións.
Rememorar o seu pasado, o seu presente e o seu futuro cunha mirada sobre a natureza como medio de supervivencia e trasladarlla ás novas xeracións para que a desfruten, a vivan e a transmitan.
Na presentación, o autor estivo acompañado polo dono do establecemento, Pepe Formoso, e por Alexandre Nerium e Modesto Fraga.
Nado en Pazos (Boqueixón), Lobato é fillo de emigrantes. Cunha necesidade vital por coñecer e afondar no eido da diáspora, estudou o mundo migratorio e presentou en 1999 a tese doutoral Autoconcepto en hijos de emigrantes.
Doutor en Filosofía e Ciencias da Educación e profesor en varios niveis do sistema educativo, na actualidade está prexubilado, mais segue coa súa actividade no eido cultural.
Forma prte do Padroado da Fundación Xosé Neira Vilas; preside a asociación cultural Mestre Manuel Gacio e é membro de diferentes colectivos, entre outros, a Asociación de Escritoras e Escritores en Linga Galega.
Ten publicado numerosos artigos e libros, como Trobar do ar, Doa, doa... avoa, Elos de cinza, Máxico tear natural, Retorno a natura ou Cos pés na peneira.
Participou en obras colectivas como En defensa do poleiro, A Coruña á luz das letras ou Pico sacro: ferido polo lósterego e a lenda, coordinado xunto con Miro Villar.
En todas as súas obras destacan o seu amor pola terra nai e pola sabedoría popular e o respecto pola natureza.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local