Enterros, coloridos desfiles de comparsas e moito humor para despedir o Entroido
Máis de 700 persoas amosaron a súa imaxinación en Padrón
As costureiras e Georgie Dann trifunfaron na Baña
A Mikaela encheu a vila oleira de Buño
J. M. Ramos
Milleiros de persoas saíron a rúa para despedir o Entroido 2024 na contorna de Compostela. Coloridos e animados desfiles conviviron co loito de enterros que fixeron saltar as bágoas, pero de risa, aos asistentes.
En Padrón, veciños e visitantes encheron as rúas para gozar dun desfile que xuntou máis de 700 persoas que amosaron a súa imaxinación e ganas de pasalo ben con coloridos disfraces e música para todos os gustos. Con café, Viaje a ciudad Esmeralda, de Pontevedra, foi a comparsa gañadora, seguida de As Catrinas de Baroña e Un barrio de Colombia, de Poio. Na categoría de grupos Botou o mar fora foi o gañador, seguido do particular tributo a Las más grandes (Lola Flores, Rocío Jurado, Marujita Díaz e María Jiménez), que non deixaron de cantar en todo o percorrido. O terceiro posto foi para Excursión a Benidorm.
A voda na Carballeira, á que non faltou nin o arcebispo, fíxose co primeiro premio na categoría de comparsas locais de máis de dez membros. As aprendices de bruxas Habelas hainas levaron o segundo.
E na Baña, as marchosas costureira de Hai que hilvanar para coser e cantar, de Vilagarcía, e El Chiringuito, de Negreira, liderado polo mesmiño Georgie Dann, foron as grandes triunfadoras. O terceiro premio marchou para Tomiño grazas á espectacularidade das fontes que compoñían Estrelas de noite. Na modalidade de grupos as divertidas plantas Carnívoras carnavalescas foron agasalladas con 150 euros, e O rabaño do camiño, con pequenos granxeiros facéndolle fronte ao lobo gañou 100 €.
Ata Valga acudiron concursantes de Pontecesures, Catoira, Rois, Moraña, Noia, Sigüeiro, Redondela, Brión e A Pobra do Caramiñal. O galardón á mellor comparsa de adultos foi para Patifas, valeiras, valeiros e criaturas do Ulla, de Pontecesures, namentres que en grupos gañou Unha granxa moi chuli, de Valga. En categoría infantil a comparsa máis valorada polo xurado foi OVNI, de Catoira, e en grupos tamén venceron as catoirenses Cazadoras de mamuts. Outro dos galardóns recaeu no Circo Ruso, da asociación Musival.
Na Costa da Morte, unha das citas centrais tivo lugar na vila oleira de Buño (Malpica), onde milleiros de persoas chegadas desde distintos puntos de Galicia, na súa maioría mozos, acompañaron á Mikaela polas rúas da localidade. A música non deixou de soar en toda a xornada.
En Laxe, pola súa banda, unha comitiva enloitada acompañou o cortexo fúnebre do Caietano, que pecorreu as rúas máis céntricas da vila mariñeira. A celebración rematou na praia coa queima do defunto.
En Cee viviron un intenso e concorrido desfile e concurso no que Os Enjominados foron os ganadores, seguidos de Os da Charca, de Fisterra, e Os de sempre, de Porto do Son.
Vimianzo tamén despediu o Entroido 2023 cun colorido concurso en Baíñas, no que ademais de repartir 2.870 € en premios tamén serviron un abundante e exquisito cocido.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local