Muros suspende por segunda vez o concurso de comparsas do Entroido polo mal tempo
Suso Souto
O Concello de Muros vén de informar que o concurso de comparsas, programado para este domingo 25 de febreiro, posponse outra vez debido á previsión de choivas persistentes. Tras as consultas realizadas este venres a Meteogalicia sobre as condicións meteorolóxicas previstas para o día do evento, o Concello recibiu a confirmación da chegada dunha fronte de choivas persistentes. Xunto con isto, a Garda Civil tamén recomenda o seu aprazamento.
Por iso, co propósito de garantir a seguridade e o divertimento de todas as persoas participantes e do público, o executivo local tomou a decisión de aprazar o concurso. A nova data de celebración será comunicada debidamente nos próximos días, unha vez que se avalíen todas as opcións dispoñibles.
"Agradecemos profundamente a vosa comprensión e paciencia neste asunto. Estamos comprometidos a ofrecer un evento da máxima calidade e estamos seguros de que, co voso apoio, conseguiremos facelo realidade nunha data próxima. Para facer máis ameno este aprazamento momentáneo, buscamos voluntariado para unha misión especial: por que non imos poñer ovos a Santa Clara? Si, tes ben lido, precisamos da vosa axuda! Viva o Entroido!", sinala o Concello nun comunicado. As actividades programadas para o concurso do Entroido polo Concello incluían a animación musical a cargo do grupo La Maquinaria Band.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- Incautan 244 quilogramos de peixe que excedían o cupo diario dunha embarcación de Porto do Son
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- La Inspección auditará el IES do Milladoiro para atajar la conflictividad
- Detenido Vidal Padín, 'El Burro', en un operativo vinculado al narcosubmarino 'Poseidón' y a las planeadoras de Ribeira