Continúan os ecos dun clamor a prol das mulleres que chegou á comarca neste 8M
![Un grupo de veciñas de Cabana celebraron o 8M cunha viaxe a Ferrol organizada polo Concello / cedida](https://estaticos-cdn.prensaiberica.es/clip/ab3e890e-24fa-4262-a891-bba167060f4b_16-9-aspect-ratio_default_0.jpg)
Un grupo de veciñas de Cabana celebraron o 8M cunha viaxe a Ferrol organizada polo Concello / cedida / M. Manteiga/S. souto
M. Manteiga/ S. Souto
Aínda resoa o clamor das mulleres en toda a comarca para reivindicar igualdade efectiva en pleno século XXI. E desde os distintos concellos continúan a informar dos actos que levaron a cabo este 8M de cara a acadar ademais a fin da violencia.
![O alcalde con Eva González, terceira pola esquerda, en Rois / concello](https://estaticos-cdn.prensaiberica.es/clip/7f5f6a48-a8fd-4507-b273-9dc37f576ac8_alta-libre-aspect-ratio_default_0.jpg)
O alcalde con Eva González, terceira pola esquerda, en Rois / concello / M. Manteiga/S. souto
Deste xeito, Rois conmemorou a efeméride coa entrega do I Premio extraordinario do Día da Muller a Eva González. Esta física local, que se desprazou directamente dende Madrid para estar presente na homenaxe, conta cunha longa traxectoria investigadora en universidades de diferentes países, e foi a concelleira Mercedes Basante a encargada de ler o manifesto do 8M, animando á veciñanza “a seguir esforzándose cada un dos 365 días do ano para que a igualdade sexa real e efectiva”.
![A matrona bañense Benigna Castro / cedida](https://estaticos-cdn.prensaiberica.es/clip/8a9e4a08-144d-4d75-b6ee-857e5a62581a_alta-libre-aspect-ratio_default_0.jpg)
A matrona bañense Benigna Castro / cedida / M. Manteiga/S. souto
A entrega de premios do concurso de carteis e a actuación do OCT Chorima completaron o acto institucional no auditorio municipal.
![Fuentes, esqda., Duro, Moldes e Leis en Negreira / concello](https://estaticos-cdn.prensaiberica.es/clip/c2434152-9327-45b7-977e-d55546a7cb8b_alta-libre-aspect-ratio_default_0.jpg)
Fuentes, esqda., Duro, Moldes e Leis en Negreira / concello / M. Manteiga/S. souto
Na Baña rendéronlle homenaxe a Benigna Castro, recentemente xubilada logo de máis de trinta anos como matrona no centro de saúde. Así, quixeron recoñecer o seu compromiso cos bañenses, tanto dende a súa consulta de Atención Primaria como coa labor divulgativa que desenvolveu. O auditorio da casa da cultura quedou pequeno e interviron dúas das mulleres que atendeu: Alicia Paredes e Bárbara Mansilla.
![O alcalde de Ribeira, Luis Pérez, cun grupo de artistas, colectivo ao que o Concello dedicou este ano o 8M / c.](https://estaticos-cdn.prensaiberica.es/clip/c6582336-df98-4824-b688-211dd32b19ca_alta-libre-aspect-ratio_default_0.jpg)
O alcalde de Ribeira, Luis Pérez, cun grupo de artistas, colectivo ao que o Concello dedicou este ano o 8M / c. / M. Manteiga/S. souto
Xa en terras do Deza, o Concello de Lalín entregou o Premio ás Mulleres Dona Maruja Gutiérrez, na súa 18ª edición. E recoñeceuse no concello a Laura Calvo Cobela (categoría Xove Empresaria), entregando a distinción a directora xeral de Xuventude, Cristina Pichel. Ademais, Marta Maceda Ansedes recibiu o de Mulleres en movemento, da man da concelleira de Política Social, Muller e Igualdade, Carmen Canda, e o rexedor José Crespo entregoulle a Isabel Couso Carballude o de Toda unha vida.
![Rosita Paz recibiu o Premio Mulleres do IES noiés Virxe do Mar / cedida](https://estaticos-cdn.prensaiberica.es/clip/dd88732f-d872-44cc-959a-ac1ce6211f7c_alta-libre-aspect-ratio_default_0.jpg)
Rosita Paz recibiu o Premio Mulleres do IES noiés Virxe do Mar / cedida / M. Manteiga/S. souto
En Teo tamén houbo declaración institucional, e membros da Corporación e das forzas vivas locais recibiron camisetas conmemorativas, mentres que en Negreira fixeron entrega na Gala do 8M do seu galardón 2024 a María Moldes para recoñecer a traxectoria profesional da cooperante e delegada para Galicia e Asturias da Fundación Vicente Ferrer.
Xa en Valga, o Concello celebrou a data cun tributo a 35 emprendedoras; mulleres loitadoras, valentes e soñadoras que contan con negocio en activo local, e que foron e son motor económico do municipio.
En Noia, Rosita Paz, que foi conserxe do IES Virxe do Mar durante 45 anos, recibiu o I Premio Mulleres VdM nun acto ante cen persoas.
En Muros celebrouse o Día da Muller cun acto coa comunidade educativa no que participaron máis de 300 nenos e nenas, aos que a alcaldesa, María Lago, animou “a loitar polos vosos ideais; que ninguén vos diga o que podedes facer ou non”.
En Ribeira dedícase cada ano o Día da Muller a un colectivo de féminas. Neste caso, foi o das artistas.
Na Pobra a reivindicación dos dereitos da muller fíxose cunha manifestación e con música tradicional. A marcha iniciouse na praza Alcalde Segundo Durán e rematou no Teatro Elma, onde a Asociación Cultural Eiradela interpretou varias coplas tradicionais. Pandeireta en man, catro das súas integrantes entoaron cánticos con perspectiva de xénero.
E un grupo de mulleres de Cabana fixeron un roteiro por Ferrol no que puideron aprender moito sobre as figuras femininas máis relevantes da contorna. Acompañáronas o alcalde de Cabana, José Muíño, e o concelleiro de Obras, Carlos Allo.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local