Os empresarios do turismo lanzan ‘A Costa da Morte: confín de Europa’, unha completa guía de 450 páxinas
O autor da obra, Xan Fernández Carrera, repasa xeografía, historia, lendas, gastronomía e rutas da zona // Editouse en galego e castelán
![Pola esqda., Guillerme Iglesias, de Asteria Beache;Damián Álvarez, de Gubem Event;Rosa Sánchez, de Casa de Trillo; Pepe Formoso, presidente de APTCM; e Xan Fernández, autor da guía, na presentación](https://estaticos-cdn.prensaiberica.es/clip/b19c888e-352d-4da2-b1e8-c5bbfe13f8d2_16-9-discover-aspect-ratio_default_0.jpg)
Pola esqda., Guillerme Iglesias, de Asteria Beache;Damián Álvarez, de Gubem Event;Rosa Sánchez, de Casa de Trillo; Pepe Formoso, presidente de APTCM; e Xan Fernández, autor da guía, na presentación / Cedida
Suso Souto
A Asociación de Profesionais de Turismo da Costa da Morte (APTCM) entregou aos alcaldes e alcaldesas dos concellos do xeodestino Costa da Morte exemplares do libro A Costa da Morte: confín de Europa, de Xan Fernández Carrera.
Os libros distribuiranse nas bibliotecas municipais e oficinas de Turismo. O acto tivo lugar este martes nas instalacións do Club Náutico de Razo, no municipio de Carballo, e contou coa participación de Xosé Manuel Merelles, de Turismo de Galicia; Xosé Regueira, vicepresidente e deputado de Turismo da Deputación da Coruña; e o autor da mencionada publicación, Xan Fernández.
Esta iniciativa amosa as sinerxias entre os empresarios e as administracións públicas na procura de dinamizar o turismo do territorio.
Neste caso, os empresarios distribúen os libros e a Deputación da Coruña imprimirá aos concellos o mapa dos recursos turísticos que repartirá entre os empresarios.
A Costa da Morte: confín de Europa é unha guía completa do que é a Costa da Morte con dous apartados: un primeiro de achegamento ao territorio dende a súa xeografía, historia, lendas ou gastronomía; e outro de rutas. Unha guía de 450 páxinas, bilingüe, en galego e castelán, e con fotografías. A edición foi financiada por Turismo de Galicia.
NOVELA AMBIENTADA EN FISTERRA. Por outra banda, este venres ás 19.00 horas preséntase na casa consistorial de Fisterra a versión en castelán da novela El viaje al fin del mundo. Los buscadores, publicada pola editorial Evohé e da autoría do xornalista e escritor Manuel F. Rodríguez. No acto intervirán a alcaldesa, Áurea Domínguez; o empresario Pepe Formoso; e o autor.
A novela, que ten en Fisterra e os seus significados lendarios o eixo da súa narración, parte do roubo en 1906 na catedral de Santiago da cruz grega de Alfonso III O Magno, unha xoia de ouro e pedras preciosas adorada durante séculos polos peregrinos europeos. A obra, distribuída en toda España, presentouse xa en Madrid e, despois de en Fisterra, darase a coñecer en Burgos e Albacete.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local