DESENVOLVEMENTO SOSTIBLE
Carballo e Vimianzo apostan pola formación para o emprendemento
Vinte e oito empresas sumáronse ao plan bergantiñán Impulsa e despega
A capital de Soneira acolle a Gira Mujeres RuralTalks
![Xornada inaugural do programa Impulsa e despega en Carballo](https://estaticos-cdn.prensaiberica.es/clip/6b858849-57bc-480d-87d6-e830395bb22b_16-9-discover-aspect-ratio_default_0.jpg)
Xornada inaugural do programa Impulsa e despega en Carballo / Concello de Carballo
J. M. Ramos
Formar e apoiar aos emprendedores son os principais obxectivos de dous programas que se desenvolven en Carballo e Vimianzo. Na capital de Bergantiños, 28 empresas dos sectores máis variados, e que teñen en marcha negocios en distintas fases de desenvolvemento, sumáronse ao plan Impulsa e despega, unha iniciativa da concellería de Promoción Económica que tenta contribuír á profesionalización e revitalización do tecido empresarial das pemes locais a partir de modelos de negocio baseados no triplo balance -económico, social e ambiental- que lles permitan afrontar nas mellores condicións os retos da Axenda 2030 para avanzar no desenvolvemento sostible.
Impulsa e despega é unha actividade gratuíta que vai destinada a todas aquelas persoas emprendedoras e pequenos empresarios que buscan un equilibrio entre a viabilidade económica, social e ambiental.
Os participantes poderán acceder ás ferramentas e coñecementos precisos para atender as necesidades do día a día dos seus negocios dun xeito efectivo. “Emprender e permanecer non é tarefa fácil, e a través deste programa queremos axudar, poñendo o foco na análise e xestión de catro áreas estratéxicas: modelo de negocio, estratexia empresarial, finanzas e comunicación”, dixo o edil de Promoción Económica, Xosé Regueira. A proposta, que desenvolve a cooperativa Falar a Mare, arrincou no Museo de Bergantiños cunha xornada de traballo conxunta.
Pola súa banda, o Castelo de Vimianzo acollerá o día 25 a Gira Mujeres RuralTalks, un programa de formación e capacitación para o emprendemento feminino impulsado por Coca-Cola España.
A xornada está dirixida a mulleres emprendedoras cunha idea, ou non, de negocio no mundo rural, empresarias rurais, mulleres que busquen motivación e inspiración, organizacións que impulsen o emprendemento feminino rural e autoridades públicas locais e rexionais.
O obxectivo é impulsar e fomentar o emprendemento no rural e enriquecer a conexión entre as mulleres emprendedoras e os territorios nos que se desenvolven os proxectos.
O encontro inclúe dous coloquios baixo os lemas Moldes innovadores para insipirar negocios rurais e Emprendedoras referentes rurais, que se complementarán cunha parte práctica co título Red de contactos. As participantes visitarán a mostra de artesanía do castelo, participarán nunha degustación de sabores locais e farán un percorrido histórico polo municipio. A concelleira de Benestar Social, María José Pose, asegura que “é un orgullo poder acoller en Vimianzo unha xornadas destas características e achegar ás nosas veciñas a cuestións tan importantes”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local