A visita da ambulancia anima a tarde da cativada na ludoteca de Vedra
Redacción
Os cativos que asisten á ludoteca municipal de Vedra levaron unha divertida sorpresa esta semana cando unha ambulancia se achegou ás instalacións municipais para que os pequenos puideran coñecer de primeira man como funcionan os vehículos de emerxencia. Na ambulancia chegaron a nai dun dos nenos inscritos no servizo de ludoteca e dúas compañeiras, que lles explicaron aos pequenos a importancia da atención sanitaria, con que cousas deben ter coidado para evitar accidentes e cando contactar co 112. Tamén lles amosaron o desfibrilador do que dispón o vehículo de emerxencia. Os nenos recibíronas con moita expectación e puideron exercer de sanitarios cos seus bonecos. Dende a ludoteca municipal convidan as familias de Vedra a implicarse na iniciativa e animarse a participar dándolles visibilidade ás súas profesións, habilidades ou afeccións para que a cativada aprenda á vez que se divirte. Na mesma liña, o Goberno local agradeceu a participación das participantes neste singular obradoiro sanitario.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- A Estrada pon en valor os produtos agroalimentarios locais na segunda feira multisectorial de San Xorxe
- Maio Vintage: Boiro revive os anos oitenta cun mercado retro
- Incautan 244 quilogramos de peixe que excedían o cupo diario dunha embarcación de Porto do Son
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- Sofía Shizuko y Waydn unen su talento en un nuevo single titulado ‘como yo te quiero’