Un roteiro virtual e interactivo invita a coñecer os recunchos e a historia do Castelo de Vimianzo
Alumnos do IES Terra de Soneira estrearon o proxecto 'Game of Fortes: a ameaza clerical' // Trátase dunha experiencia inmersiva en 8D con son binaural
![Alumnos do IES Terra de Soneira no Castelo de Vimianzo](https://estaticos-cdn.prensaiberica.es/clip/e963c923-94e9-404c-a069-82f766c37b58_16-9-discover-aspect-ratio_default_0.jpg)
Alumnos do IES Terra de Soneira no Castelo de Vimianzo / Cedida
Suso Souto
O alumnado do IES Terra de Soneira inaugurou o roteiro virtual interactivo Game of Fortes: a ameaza clerical, a través do cal descubriron diferentes recunchos e segredos do Castelo de Vimianzo ao longo da historia.
Trátase dunha iniciativa desenvolta polas compañías teatrais Limiar e NegroLópez, en colaboración co Concello. O proxecto creouse co obxectivo de poñer en valor e difundir o coñecemento sobre as figuras, lugares e momentos dunha das etapas de maior esplendor da historia galega.
Trátase dunha experiencia inmersiva en 8D (son binaural) a través da cal os participantes percorren as diferentes partes do Castelo, introducíndose nos contidos históricos máis relevantes dos séculos XIV e XV.
Mediante diferentes códigos QR, faise un repaso polas loitas de poder entre a nobreza e o clero, a vida das clases populares e a divulgación dos mitos e as lendas que envolven este espazo cunha escoita teatralizada de todos estes feitos.
O público xeral poderá gozar desta iniciativa a partir de maio. Só será preciso ter un móbil con conexión a Internet e uns cascos.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local