Seis artistas expoñen as súas obras no centro arqueolóxico do Dolmen de Dombate, en Cabana
Poden verse creacións de Mon Lendoiro, Josecho González, Maribel Castiñeira, Milagros Cotelo, Isabel Soutullo e Cristina Castro
![O alcalde, José Muíño, esquerda, cos seis artistas](https://estaticos-cdn.prensaiberica.es/clip/4b4461e8-e8cf-4ca8-adcd-88eed9d83b12_16-9-discover-aspect-ratio_default_0.jpg)
O alcalde, José Muíño, esquerda, cos seis artistas / Cedida
Suso Souto
O centro arqueolóxico Dolmen de Dombate, de Cabana, acolleu a inauguración da mostra A touza dos artistas, composta de xeito íntegro polas creacións de seis artistas da comarca de Bergantiños.
No acto, o alcalde de Cabana, José Muíño, e demais representantes do goberno local acompañaron a Mon Lendoiro (Carballo), Josecho González (Carballo), Maribel Castiñeira (A Laracha), Milagros Cotelo (Carballo), Isabel Soutullo (Coristanco) e Cristina Castro (Carballo), os autores e autoras cuxas obras, realizadas en diferentes técnicas, se poden visitar na considerada como catedral do megalitismo galego ata o 1 de xuño, de 10.30 a 13.30 e de 16.00 a 18.00 horas.
O rexedor fixo un convite tanto á veciñanza como ás persoas visitantes “a gozar dunha mostra única que reúne o talento da comarca ofrecendo unha experiencia diversa tanto na temática como no estilo das obras”.
Arte e patrimonio danse a man nesta mostra, no marco nun dos monumentos megalíticos mellor conservados. Xa era coñecido no século XIX por Manuel Murguía, pero a súa popularidade medrou cando o poeta Eduardo Pondal, natural e veciño de Ponteceso, lle dedicou un famoso poema en Queixumes dos pinos, en 1885.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local