Padrón celebra o seu San Xoán de Raio coa comida de confraternidade
A deste ano é a edición trinta e dúas deste xantar, que congrega centos de persoas cada ano
![Tradicional procesión de San Xoán de Raio por Padrón.](https://estaticos-cdn.prensaiberica.es/clip/68169ee7-a0f4-4664-993f-4da8c4cfe2a7_16-9-aspect-ratio_default_0.jpg)
Tradicional procesión de San Xoán de Raio por Padrón. / CONCELLO
ECG
O Concello de Padrón celebra un ano máis o seu tradicional San Xoán de Raio. A orixe da festividade remóntase ao 1613 e este ano celebrarase o vindeiro luns 6 de maio. O actos da xornada consistirán na recepción de autoridades na casa consistorial e a posterior procesión do santo dende o Concello ata a igrexa de Santiago, ademais dunha misa coa música da Coral Val do Sar.
A Praza de Macía da capital padronesa será outro dos escenarios da festa coa actuación da Tuna de Veteranos da Coruña. Por último, como adoita levarse a cabo tódolos anos, terá lugar a comida de confraternidade para a terceira idade no Hotel Scala. Será preciso retirar a invitación antes do día 3 de maio no Centro Social.
A deste ano é a edición trinta e dúas deste xantar, que congrega centos de persoas cada ano. Nesta ocasión haberá servizo de autobuses para os maiores de 60 anos a partir das 11.00 horas e con volta ás 19.00 horas. O final da festa chegará a partir das 20.00 horas da man da orquestra Los Satélites no campo do Souto.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local