Danza e podcast para facer fluír o corpo e as emocións dos estudantes de Camariñas

O alumnos de 3º da ESO do IES Pedra da Aguia, de Camariñas, aprenderon a transmitir emocións e a deixar fluír os seus corpos a través da danza no marco do proxecto social e comunitario Escora, impulsado pola Deputación da Coruña para involucrar a colectivos locais na vida cultural do seus territorios.

Os estudantes gravaron en directo un podcast no que Lía Bermúdez e Aleix March entrevistaron ao artista e xestor cultural Pablo López e ás integrantes do colectivo Vacaburra: Andrea Quintana e Gena Baamonde.

Pablo López explicoulles por que elixiu Camelle para densenvolver, xunto coa asociación ecoloxista Mar de Fábula, o proxecto A casa no alto, unha residencia artística na que artistas de toda España poden desenvolver os seus traballos.

Pola súa banda, o dúo Vacaburra entusiasmou aos estudantes coa súa naturalidade e humor ao contarlles como transmitir emocións a través da danza contemporánea. Logo de gravar o podcast os alumnos gozaron dun taller práctico no que, despois de vencer a timidez inicial, “aprenderon a deixar fluír os seus corpos e a escoitar en silencio os sons que xera, a través de escorzos imposibles, onomatopeas e moita desenvoltura”, subliña Jacobo Santos, directivo do IES Pedra da Aguia.

Tres exdiputados del Parlamento de Galicia reivindican el valor de la política en el IES Pedra da Aguia, de Camariñas

A xornada complementouse cunha visita ao Museo dos Naufraxios ubicado no Museo Man e cunha recollida de lixo nos areais de Camelle coordinada polos técnicos de Mar de Fábula. Na colleita había latas, plásticos, cordas e outros materiais.