POLÍTICA LOCAL
Denuncian que o Concello fisterrán paga un seguro de saúde privado ao persoal funcionario
Alternativa dos Veciños, o grupo que ostenta o goberno local, considera que "é un escándalo"
Aseguran que ten un custo para as arcas municipais de 7.000 euros ao ano
![A alcaldesa, Áurea Domínguez, cos dous concelleiros de Alternativa dos Veciños](https://estaticos-cdn.prensaiberica.es/clip/708153d0-a2b3-4e36-b901-0ce78159c1ef_16-9-discover-aspect-ratio_default_0.jpg)
A alcaldesa, Áurea Domínguez, cos dous concelleiros de Alternativa dos Veciños / AV Fisterra
J. M. Ramos
Alternativa dos Veciños, o grupo político que ostenta o goberno municipal de Fisterra, vén de denunciar a existencia dun seguro de saúde privado para o persoal funcionario do Concello e para as súas familias “o cal nos parece un auténtico escándalo”, afirma Juan Francisco Martínez, responsable local.
Todo o persoal está incluído no réxime xeral da Seguridade Social, “polo que este seguro privado é innecesario e inxusto”, engade. Sinala ademais que só beneficia “a unha minoría” porque na Relación de Postos de Traballo “só hai cinco prazas de funcionarios e as vinte e oito restantes son de persoal laboral”.
Solicitaron ao secretario-interventor un informe e documentación sobre a legalidade do referido seguro, “xa que pensamos que esa póliza debeu ser contratada dun xeito irregular, pois non consta a existencia dun acordo negociado”. Por iso, Juan Francisco Martínez asegura que “esta situación débese resolver de inmediato, xa que a póliza en cuestión cústalle ás arcas municipais case 7.000 € ao ano”.
Agora que xa tomou posesión da praza de secretario-interventor un funcionario habilitado de cáracter nacional, “non existe ningún motivo para que non se regularicen todas estas situacións”, conclúe Martínez.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local