LITERATURA
Francisco Antonio Vidal Blanco recolle en Gres o Premio Anisia Miranda de Teatro para a Infancia
Foi galardoado pola súa obra 'O dedo e o monstro'
![Francisco Vidal, esda., Maximino Míguez, Ramón D. Veiga e Fernando Redondo](https://estaticos-cdn.prensaiberica.es/clip/32099b1f-b4c3-40b9-bfc2-17f485427955_source-aspect-ratio_default_0.jpg)
Francisco Vidal, esda., Maximino Míguez, Ramón D. Veiga e Fernando Redondo / Cedida
Redacción
O ribeirense Francisco Antonio Vidal Blanco recolleu o pasado sábado en Gres, en Vila de Cruces, o Premio Anisia Miranda de Teatro para a Infancia 2024, pola súa obra O dedo e o monstro. O galardón convócase anualmente pola Fundación Xosé Neira Vilas, con apoio da Dirección Xeral de Cultura, co obxectivo de lembrar e honrar a figura da escritora Anisia Miranda.
Desde a Fundación Xosé Neira Vilas salientan que a obra premiada destaca, fundamentalmente, pola “mestría da súa construción dramática e a habilidade na elaboración dos diálogos a través de frases curtas que axilizan o texto e outorgan dinamismo e diversión”.
O xurado estivo composto polos membros do Padroado da Fundación Pilar Sampedro e Miguel Anxo Fernán Vello, xunto con Euloxio R. Ruibal, dramaturgo e membro da Real Academia Galega.
No acto de entrega do galardón tamén se presentou a obra premiada na edición do pasado ano. Trátase de Medo me dá, de Ramón Domínguez Veiga, editada por Embora.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local