Fría e colorida: Galicia, a verdadeira dama das Camelias
A pranta é coñecida como “flor de Galicia” Por que?
![As camelias galegas](https://estaticos-cdn.prensaiberica.es/clip/48809f6a-709f-47d4-a837-02e72e02602f_16-9-discover-aspect-ratio_default_0.jpg)
As camelias galegas / Noe Parga
Especial Día de Galicia
Clima húmedo, temperaturas suaves e terra fértil e ácida: as condicións idóneas para o cultivo destas fermosas flores converten a Galicia na dama das Camelias.
Ainda que son moitos os que afirman que poderían ter sido introducidas polos mariñeiros galegos e portugueses moito antes (xa no século XVI), a idea máis extendida e que as súas sementes, que brotan na tamén coñecida como “flor de inverno”, chegaron a Galicia a finais do século XVII, procedentes de Asia (especialmente China e Xapón) co obxectivo de decorar os pazos e as casas señoriais da burguesía galega, xa que as súas cores vivas relucían nos fríos invernos (a época na que podemos atopalas en todo o seu esplendor).
Pero, pouco a pouco, grazas a súa perfecta adaptación ao terreo e á súa humidade, chegaron a dominar xardíns e fincas, domicilios privados e edificios públicos por toda a nosa xeografía, facendo que a comunidade se erixise coma referente internacional no cultivo e produción de camelias. Non en vano na actualidade atesoramos case oito mil variedades diferentes.
Dende a camelia simple (de cinco a oito pétalos) ata as fermosas peonías (con forma de globo e mestura de pétalos irregulares), fixérsonse un oco nos roteiros galegos, que crean recorridos especiais nos que visitar as principais plantacións desta flor.
Entre as máis antigas atopamos as do Paseo da Ferradura, en Compostela, onde máis de sesenta exemplares de camelia xapónica levan máis dun século contemplando a Catedral en primeira fila. Tamén levan esta distinción as do Pazo Quiñones de León en Vigo, que conta coa coñecida como “Matusalén das camelias”, xa que leva vivindo no Pazo dende 1860.
Dende o século XVIII medraron os camelios do Pazo de Oca, na Estrada, ata elevarse oito metros sobre os seus xardíns, aínda que o máis alto do mundo está no Pazo de Lourizán, en Pontevedra, escalando ata os vinte metros e medio.
O Pazo de Mariñán, en Bergondo, engade ao seu estilo barroco toda unha carreira de camelias que, esta vez, miran a saída do mar. Se continuamos coas curiosidades desta planta, unha das cousas que máis a diferenzan doutras variedades de flores é que carece de aroma - se acaso, a camelia xapónica arrecende un pouco, que pode ser comestible e que se utiliza para facer tés e produtos de beleza.
A camelia, a dama de Galicia.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local