O Duatlón de Vedra deixa o título masculino na casa, mentres que o feminino recae no Delikia
O mal tempo non impediu o rotundo éxito dunha nova cita correspondente ao Campionato Galego contra reloxo por equipos
![O equipo masculino do Olímpico de Vedra que logrou deixar o título na casa](https://estaticos-cdn.prensaiberica.es/clip/f6544c73-274f-48fa-9dd5-b48102fa5b96_16-9-aspect-ratio_default_1287860.jpg)
O equipo masculino do Olímpico de Vedra que logrou deixar o título na casa / Concello de Vedra
Frío, choiva e vento, un cóctel que achegaba a sensación térmica aos cero graos foron as condicións coas que tiveron que loitar os máis de 90 equipos e 500 deportistas que un ano máis se deron cita este sábado na maior festa do dúatlon galego, que dende 2015 se celebra en Vedra, o dúatlon Concello de Vedra, que constitúe o Campionato Galego de Dúatlon contra o reloxo por equipos.
Neste 2024 a proba volvía as súas datas naturais do mes de marzo, logo de que no ano 2022 tivera que cambiar de data para o outono por mor da pandemia, facendo extensible esa data ao 2023.
No deportivo, os títulos de campións galegos estiveron moi disputados. O equipo masculino do Olímpico de Vedra, que non partía como favorito, logrou o título de campión galego. César Otero, Ismael García, Víctor Bouzón, Miguel Daporta e Adrián Picallo marcaron un contundente ritmo dende a saída, acendendo os ánimos dunha entregada afección local que non parou de animar a pesar das adversas condicións meteorolóxicas.
Na segunda posición, a 13 segundos dos campións, quedou o Delikia (Sergi Vañó, Damián Martínez, Martín Barreiro, Roi Álvarez e Alberto Fernández) e completou o podio o Triatlón Compostela, a 31 segundos, integrado por Diego Santiago, Daniel Vieito, David Cutrín, Jorge Ferradáns, Manuel Fraga e Pedro Liste.
Temén estivo disputada a proba feminina, onde o Delikia, integrado por Marta Alonso, Marta Pereira, María Muñíz, Marina González e Eva Piñel, lograba o seu primeiro título de campioas galegas. Subcampioas, a 1 minuto e 4 segundos, foron as compostelanas do Inforhouse Santiago ( Adriana Pensado, Miriam Trigo, Antía González, Alejandra Núñez, Julia Vaquero e Noelia Rey). Tampouco faltaron a súa cita co podio as locais Gabriela Quintás, Patricie Viadel, Gabriela Quintás e Andrea Espiño, que completaban o circuíto a 1 minuto e 36 segundos das gañadoras.
Antes do campionato galego tivo lugar a proba Open, na que en categoría masculina Compostela B (1º), Delikia B (2º) e Rías Baixas B (3º), ocupaban os 3 chanzos do podio, e en Open feminino o gañador era o Inforhouse B, seguido do Inforhouse C e o Mar de Vigo B.
A entrega de premios poñía colofón a unha difícil xornada, tanto a nivel competitivo como organizativo, pero que un ano máis se completaba con éxito, con presenza de máis de 90 equipos chegados de toda Galicia, e con un dispositivo integrado por máis de 80 voluntarios do Olímpico de Vedra, e membros de Protección Civil e do concello de Vedra, así como de empresas locais.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local