O Club Baloncesto Laracha, recibido no seu Concello polo ascenso a Primeira División
O rexedor municipal destacou que o equipo sénior feminino acadou “o maior éxito da historia recente do club”
O alcalde da Laracha, José Manuel López Varela, recibiu este venres no Concello á directiva, equipo técnico e xogadoras do Club Baloncesto Laracha – Clínica Noya Dental, flamantes subcampioas da 2ª división galega, o que tamén significa o ascenso a 1ª, onde militarán na próxima tempada.
O rexedor municipal destacou que o equipo sénior feminino acadou “o maior éxito da historia recente do club”, cunha traxectoria inmaculada durante toda a tempada, gañando os 22 partidos disputados entre as dúas primeiras fases e os da eliminatoria polo ascenso. Só perderon un, precisamente o último xogado e que decidiu o equipo campión.
López Varela tamén se referiu á importancia de que a metade do equipo estea formado por xogadoras larachesas e desexoulles os maiores éxitos para as campañas futuras.
Por último, o alcalde valorou o traballo que o C.B. Laracha está a facer desde a base e ata a categoría sénior, con 110 licencias en total neste ano repartidas en oito equipos, e expresou que “é un orgullo colaborar desde o Concello co club”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local