Formoso apela aos indecisos para “defender as pensións ou os dereitos laborais” o 23-X
![Bugallo e Formoso, onte, na estación de tren de Santiago / cedida](https://estaticos-cdn.prensaiberica.es/clip/536d0e36-0e60-4efa-b4e3-85267ffc468f_16-9-aspect-ratio_default_0.jpg)
Bugallo e Formoso, onte, na estación de tren de Santiago / cedida / Redacción
Redacción
O secretario xeral do PSdeG, Valentín González Formoso, apelou onte á mobilización dos indecisos de cara á última semana de campaña. Segundo dixo, “o que nos xogamos” nestas eleccións é ter un “goberno sensible” que defenda as pensións, os dereitos laborais ou impulse as bolsas para o estudantado, “fronte a un que ameace todo isto”.
Palabras de Formoso durante a visita que fixo á estación de Renfe de Santiago para realizar o traxecto en tren ata A Coruña, co obxectivo de reivindicar os abonos de balde aprobados polo goberno de Pedro Sánchez para paliar os efectos da inflación. O líder do PSdeG estivo acompañado polo cabeza de lista ao Senado na provincia, Xosé Sánchez Bugallo. Para Formoso, os abonos de balde para o tren son un exemplo do “goberno sensible” que tivo España nos últimos cinco anos. Nesta liña, puxo en valor as rebaixas aos combustibles e as axudas a pescadores, agricultores ou transportistas galegos no peor da pandemia, así como a suba das pensións, o salario mínimo ou a rebaixa das facturas da luz.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local