Taboada e Quiroga engalánanse polas festas
Mercado de Nadal, visita dos Reis, bingo e moito máis na provincia de Lugo
![Cartel do mercado da Ribeira Sacra 2023](https://estaticos-cdn.prensaiberica.es/clip/727e5b7e-993b-40e7-a433-8da2da57b96f_woman-1-1-large_default_0.jpg)
Cartel do mercado da Ribeira Sacra 2023 / Cedida
Redacción
Os municipios de Taboada e Quiroga non son menos e tamén se apuntan ao Nadal con programación lúdica ao longo do mes e ata xaneiro. No caso de Quiroga, a praza de España recibirá, hoxe, a visita de Papá Noel ás 16.00 horas. O xoves 28, ás 17.00 horas o Centro Social acollerá o Bingo Especial de Nadal, e o domingo 31, ás 12.00 horas, disputarase a San Silvestre Solidaria, con saída desde a praza de España. Xa en xaneiro, o mércores 3 e xoves 4 haberá inchables gratis no Pavillón Municipal. O día 5, véspera de Reis, Quiroga recibirá a visita das súas Maxestades os Reis Magos que percorrerán a localidade desde a rúa Real, rumbo ao Auditorio Municipal.
Pola súa banda, o comercio local de Taboada organiza hoxe un mercado denominado Petiscos de Nadal, onde haberá postos de artesáns e produtores da Ribeira Sacra. O mercado do Nadal arrincará ás 11.30 horas, coa apertura dos postos na praza de Riazón coa actuación de Paco Nogueiras. Ás 13.00 horas terá lugar a actuación de Apalpadora e ás 14.00 horas procederase ao sorteo dunha cesta de Nadal. Xa pola tarde, a partir das 15.00 horas está programado un obradoiro de instrumentos musicais para nenos e nenas a cargo de Xaneco Tubío. Ás 19.00 horas, pechará o mercado coa actuación de Catuxa Salom.
- “Gañar unha praza significaría algo tan básico como poder poñerme enferma”
- Ya se puede descargar el Bono Activa Comercio: cómo hacerlo y dónde utilizar el descuento
- Descienden las temperaturas en Galicia: a partir de este día se retira el anticiclón
- Fin de semana con tiempo frío y precipitaciones: este es el día que más va a llover en Galicia
- La vuelta a las aulas de Marta Lois: cómo conjugar vocación y compromiso
- Este será finalmente el pueblo gallego que dará el relevo a Brión en el Grand Prix
- Hacer la renta por videollamada: un programa pionero para ayudar a 34.000 mayores del rural
- El pueblo ourensano al que llaman "la Marbella gallega" y en el que veranean los multimillonarios mexicanos: a una hora y media de Santiago